sulag raha hai koi shaKHs kyun abas mujh mein

sulag rahā hai koī shaḳhs kyuuñ abas mujh meñ

bujhegā kaise abhī sho.ala-e-nafas mujh meñ

ajiib dard sā jaagā hai baa.eñ paslī meñ

ajab sharār-e-talab sā hai pesh-o-pas mujh meñ

maiñ shāḳh shāḳh se lipTūñ shajar shajar chūmūñ

panap rahī hai ajab lazzat-e-havas mujh meñ

na koī naqsh-e-yaqīñ hai na koī aks-e-gumāñ

dhuāñ dhuāñ hai abhī se nayā baras mujh meñ

na ziist kī koī halchal na maut hī kī fuġhāñ

hai kohar kohar sā ik shahr-e-be-haras mujh meñ

bas ik parinda sā par phaḌphaḌā ke chīḳhtā hai

bahut udaas hai ab mausam-e-qafas mujh meñ

kabhī to guzre idhar se bhī tund mauj-e-havā

haiñ jam.a kitne hī mausam ke ḳhār-o-ḳhas mujh meñ

sulag raha hai koi shaKHs kyun abas mujh mein

bujhega kaise abhi shoala-e-nafas mujh mein

ajib dard sa jaga hai baen pasli mein

ajab sharar-e-talab sa hai pesh-o-pas mujh mein

main shaKH shaKH se lipTun shajar shajar chumun

panap rahi hai ajab lazzat-e-hawas mujh mein

na koi naqsh-e-yaqin hai na koi aks-e-guman

dhuan dhuan hai abhi se naya baras mujh mein

na zist ki koi halchal na maut hi ki fughan

hai kohar kohar sa ek shahr-e-be-haras mujh mein

bas ek parinda sa par phaDphaDa ke chiKHta hai

bahut udas hai ab mausam-e-qafas mujh mein

kabhi to guzre idhar se bhi tund mauj-e-hawa

hain jama kitne hi mausam ke KHar-o-KHas mujh mein