sulagte bujhte jaziron pe naKHl jaDti hai

sulagte bujhte jazīroñ pe naḳhl jaḌtī hai

ye mauj roz na.ī dāstān ghaḌtī hai

lage raheñge kahāñ tak sukūt ke ḳheme

vo shor hai ki tanāb-e-sadā ukhaḌtī hai

sulag rahā hai kisī sabz aag meñ vo shajar

jo Tahniyoñ ko hilā.ūñ to raakh jhaḌtī hai

lapakte haiñ unhī shānoñ ko DhūñDte dhāge

paḌe paḌe hī kahīñ koī shaal udhaḌtī hai

bahut ghanā hī sahī naḳhl-e-ḳhvāb kā saaya

magar ye dhuup jo chāroñ taraf se paḌtī hai

ye bāġh-e-dil hai yahīñ ik udaas shahzādī

gulāb toḌtī hai titliyāñ pakaḌtī hai

sulagte bujhte jaziron pe naKHl jaDti hai

ye mauj roz nai dastan ghaDti hai

lage rahenge kahan tak sukut ke KHeme

wo shor hai ki tanab-e-sada ukhaDti hai

sulag raha hai kisi sabz aag mein wo shajar

jo Tahniyon ko hilaun to rakh jhaDti hai

lapakte hain unhi shanon ko DhunDte dhage

paDe paDe hi kahin koi shaal udhaDti hai

bahut ghana hi sahi naKHl-e-KHwab ka saya

magar ye dhup jo chaaron taraf se paDti hai

ye bagh-e-dil hai yahin ek udas shahzadi

gulab toDti hai titliyan pakaDti hai