sulagti aag thi na jalte aashiyane the

sulagtī aag thī na jalte āshiyāne the

bahut hasīn vo guzre hue zamāne the

hamārī āñkhoñ ko us kā ḳhayāl hī kab thā

ki in laboñ ko bhī kuchh roz muskurāne the

sharīk-e-bazm isī vāste huā na koī

shab-e-nashāt ka.ī ġham gale lagāne the

ye aur baat ki chehre pe ajnabiyyat thī

ta.alluqāt to un se bahut purāne the

ajiib shart thī us kī bhī ai 'asad'-rizvī

havā thī tez bahut aur diye jalāne the

sulagti aag thi na jalte aashiyane the

bahut hasin wo guzre hue zamane the

hamari aankhon ko us ka KHayal hi kab tha

ki in labon ko bhi kuchh roz muskurane the

sharik-e-bazm isi waste hua na koi

shab-e-nashat kai gham gale lagane the

ye aur baat ki chehre pe ajnabiyyat thi

talluqat to un se bahut purane the

ajib shart thi us ki bhi ai 'asad'-rizwi

hawa thi tez bahut aur diye jalane the