سلوک دوست سے بیزار کیا ہوا ہوں میں
سلوک دوست سے بیزار کیا ہوا ہوں میں
خیال یہ ہے بلندی سے گر گیا ہوں میں
بدلتے وقت نے ہر چیز کو بدل ڈالا
خلوص ویسا کہاں ہے جو سوچتا ہوں میں
مجھے لگا ہے کہ تحلیل ہو گیا ہے وجود
کبھی جب ان کے خیالوں میں کھو گیا ہوں میں
محبتوں کا حسیں دور آنے والا ہے
یہ رخ بھی ان کی عداوت کا دیکھتا ہوں میں
مرے شعور میں ماحول کی ہے بے چینی
نوائے وقت ہوں اک درد کی صدا ہوں میں
شکایتوں میں گنوانے سے اس کو کیا حاصل
ذرا سا وقت ملا ہے تو آ گیا ہوں میں
رہ حیات کے ہر موڑ پر یہ لگتا ہے
فریب کار کی باتوں میں آ گیا ہوں میں
اب اپنی زیست کی تپتی ہوئی سی راہوں پر
کسی درخت کے سائے کو ڈھونڈھتا ہوں میں
مجھے یہ طرز تجاہل عجیب لگتا ہے
وہ کہہ رہے ہیں کہیں آپ سے ملا ہوں میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.