suluk-e-dost se bezar kya hua hun main

sulūk-e-dost se bezār kyā huā huuñ maiñ

ḳhayāl ye hai bulandī se gir gayā huuñ maiñ

badalte vaqt ne har chiiz ko badal Daalā

ḳhulūs vaisā kahāñ hai jo sochtā huuñ maiñ

mujhe lagā hai ki tahlīl ho gayā hai vajūd

kabhī jab un ke ḳhayāloñ meñ kho gayā huuñ maiñ

mohabbatoñ kā hasīñ daur aane vaalā hai

ye ruḳh bhī un kī adāvat kā dekhtā huuñ maiñ

mire shu.ūr meñ māhaul kī hai bechainī

navā-e-vaqt huuñ ik dard kī sadā huuñ maiñ

shikāyatoñ meñ gañvāne se us ko kyā hāsil

zarā sā vaqt milā hai to aa gayā huuñ maiñ

rah-e-hayāt ke har moḌ par ye lagtā hai

fareb-kār kī bātoñ meñ aa gayā huuñ maiñ

ab apnī ziist kī taptī huī sī rāhoñ par

kisī daraḳht ke saa.e ko DhūñDhtā huuñ maiñ

mujhe ye tarz-e-tajāhul ajiib lagtā hai

vo kah rahe haiñ kahīñ aap se milā huuñ maiñ

suluk-e-dost se bezar kya hua hun main

KHayal ye hai bulandi se gir gaya hun main

badalte waqt ne har chiz ko badal Dala

KHulus waisa kahan hai jo sochta hun main

mujhe laga hai ki tahlil ho gaya hai wajud

kabhi jab un ke KHayalon mein kho gaya hun main

mohabbaton ka hasin daur aane wala hai

ye ruKH bhi un ki adawat ka dekhta hun main

mere shuur mein mahaul ki hai bechaini

nawa-e-waqt hun ek dard ki sada hun main

shikayaton mein ganwane se us ko kya hasil

zara sa waqt mila hai to aa gaya hun main

rah-e-hayat ke har moD par ye lagta hai

fareb-kar ki baaton mein aa gaya hun main

ab apni zist ki tapti hui si rahon par

kisi daraKHt ke sae ko DhunDhta hun main

mujhe ye tarz-e-tajahul ajib lagta hai

wo kah rahe hain kahin aap se mila hun main