suluk-e-narawa ka is liye shikwa nahin karta
sulūk-e-nāravā kā is liye shikva nahīñ kartā
ki maiñ bhī to kisī kī baat kī parvā nahīñ kartā
tirā isrār sar āñkhoñ pe tujh ko bhuul jaane kī
maiñ koshish kar ke dekhūñgā magar vā'da nahīñ kartā
bahut hushyār huuñ apnī laḌā.ī aap laḌtā huuñ
maiñ dil kī baat ko dīvār par likkhā nahīñ kartā
agar paḌ jaa.e 'ādat aap apne saath rahne kī
ye saath aisā hai ki insān ko tanhā nahīñ kartā
zamīñ pairoñ se kitnī baar ik din meñ nikaltī hai
maiñ aise hādsoñ par dil magar chhoTā nahīñ kartā
suluk-e-narawa ka is liye shikwa nahin karta
ki main bhi to kisi ki baat ki parwa nahin karta
tera israr sar aankhon pe tujh ko bhul jaane ki
main koshish kar ke dekhunga magar wa'da nahin karta
bahut hushyar hun apni laDai aap laDta hun
main dil ki baat ko diwar par likkha nahin karta
agar paD jae 'adat aap apne sath rahne ki
ye sath aisa hai ki insan ko tanha nahin karta
zamin pairon se kitni bar ek din mein nikalti hai
main aise hadson par dil magar chhoTa nahin karta
- Book : Akelepan Ki Intiha (Pg. 49)
- Author : Jamal Ehsani
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
