sun to sahi jahan mein hai tera fasana kya

Haidar Ali Aatish

sun to sahi jahan mein hai tera fasana kya

Haidar Ali Aatish

MORE BY Haidar Ali Aatish

    sun to sahī jahāñ meñ hai terā fasāna kyā

    kahtī hai tujh ko ḳhalq-e-ḳhudā ġhā.ebāna kyā

    kyā kyā ulajhtā hai tirī zulfoñ ke taar se

    baḳhiya-talab hai sīna-e-sad-chāk shāna kyā

    zer-e-zamīñ se aatā hai jo gul so zar-ba-kaf

    qārūñ ne rāste meñ luTāyā ḳhazāna kyā

    uḌtā hai shauq-e-rāhat-e-manzil se asp-e-umr

    mahmez kahte haiñge kise tāziyāna kyā

    ziina sabā DhūñDtī hai apnī musht-e-ḳhāk

    bām-e-buland yaar hai āstāna kyā

    chāroñ taraf se sūrat-e-jānāñ ho jalva-gar

    dil saaf ho tirā to hai ā.īna-ḳhāna kyā

    sayyād asīr-e-dām-e-rag-e-gul hai andalīb

    dikhlā rahā hai chhup ke use dām-o-dāna kyā

    tabl-o-alam paas hai apne na mulk o maal

    ham se ḳhilāf ho ke karegā zamāna kyā

    aatī hai kis tarah se mire qabz-e-rūh ko

    dekhūñ to maut DhūñD rahī hai bahāna kyā

    hotā hai zard sun ke jo nāmard mudda.ī

    rustam dāstāñ hai hamārā fasāna kyā

    tirchhī nigah se tā.ir-e-dil ho chukā shikār

    jab tiir kaj paḌe to uḌegā nishāna kyā

    sayyād-e-gul-ezār dikhātā hai sair-e-bāġh

    bulbul qafas meñ yaad kare āshiyāna kyā

    betāb hai kamāl hamārā dil-e-hazīñ

    mehmāñ sarā-e-jism hogā ravāna kyā

    yuuñ mudda.ī hasad se na de daad to na de

    'ātish' ġhazal ye ne kahī āshiqāna kyā

    sun to sahi jahan mein hai tera fasana kya

    kahti hai tujh ko KHalq-e-KHuda ghaebana kya

    kya kya ulajhta hai teri zulfon ke tar se

    baKHiya-talab hai sina-e-sad-chaak shana kya

    zer-e-zamin se aata hai jo gul so zar-ba-kaf

    qarun ne raste mein luTaya KHazana kya

    uDta hai shauq-e-rahat-e-manzil se asp-e-umr

    mahmez kahte hainge kise taziyana kya

    zina saba ka DhunDti hai apni musht-e-KHak

    baam-e-buland yar ka hai aastana kya

    chaaron taraf se surat-e-jaanan ho jalwa-gar

    dil saf ho tera to hai aaina-KHana kya

    sayyaad asir-e-dam-e-rag-e-gul hai andalib

    dikhla raha hai chhup ke use dam-o-dana kya

    tabl-o-alam hi pas hai apne na mulk o mal

    hum se KHilaf ho ke karega zamana kya

    aati hai kis tarah se mere qabz-e-ruh ko

    dekhun to maut DhunD rahi hai bahana kya

    hota hai zard sun ke jo namard muddai

    rustam ki dastan hai hamara fasana kya

    tirchhi nigah se tair-e-dil ho chuka shikar

    jab tir kaj paDe to uDega nishana kya

    sayyaad-e-gul-ezar dikhata hai sair-e-bagh

    bulbul qafas mein yaad kare aashiyana kya

    betab hai kamal hamara dil-e-hazin

    mehman sara-e-jism ka hoga rawana kya

    yun muddai hasad se na de dad to na de

    'atish' ghazal ye tu ne kahi aashiqana kya

    Videos

    Videos

    Mehdi Hasan

    Mehdi Hasan

    Begum Akhtar

    Begum Akhtar

    RECITATIONS

    Fasih Akmal

    Fasih Akmal

    Fasih Akmal

    sun to sahi jahan mein hai tera fasana kya Fasih Akmal

    0
    COMMENT
    COMMENTS
    VIEW COMMENTS

    Critique mode ON

    Tap on any word to submit a critique about that line. Word-meanings will not be available while you’re in this mode.

    OKAY

    SUBMIT CRITIQUE

    NAME

    E-MAIL

    COMMENT

    Thanks, for your feedback

    Critique draft saved

    EDIT DISCARD

    CRITIQUE MODE ON

    TURN OFF

    Discard saved critique?

    CANCEL DISCARD

    CRITIQUE MODE ON - Click on a line of text to critique

    TURN OFF

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Favorite added successfully

    Favorite removed successfully