suna hai ye jahan achchha tha pahle

sunā hai ye jahāñ achchhā thā pahle

ye jo ab dasht hai dariyā thā pahle

jo hotā kaun aatā is jahāñ meñ

kise duniyā kā andāza thā pahle

baḌī tasvīr laTkā dī hai apnī

jahāñ chhoTā sā ā.īna thā pahle

samajh meñ kuchh nahīñ aatā ab us kī

vo jo auroñ ko samjhātā thā pahle

kiyā ījād jis ne bhī ḳhudā ko

vo ḳhud ko kaise bahlātā thā pahle

bahut kuchh bhī nahīñ kaafī yahāñ ab

bahut thoḌe se chal jaatā thā pahle

ye dīvāreñ to haiñ is daur kā sach

khulā har dil kā darvāza thā pahle

suna hai ye jahan achchha tha pahle

ye jo ab dasht hai dariya tha pahle

jo hota kaun aata is jahan mein

kise duniya ka andaza tha pahle

baDi taswir laTka di hai apni

jahan chhoTa sa aaina tha pahle

samajh mein kuchh nahin aata ab us ki

wo jo auron ko samjhata tha pahle

kiya ijad jis ne bhi KHuda ko

wo KHud ko kaise bahlata tha pahle

bahut kuchh bhi nahin kafi yahan ab

bahut thoDe se chal jata tha pahle

ye diwaren to hain is daur ka sach

khula har dil ka darwaza tha pahle