sunae usne jab ashaar mere

sunā.e us ne jab ash.ār mere

ka.ī misre hue gul-bār mere

safar dariyā kī rau par munhasir hai

nahīñ haiñ haath meñ patvār mere

kahānī meñ numāyāñ ho ga.e haiñ

vahī haiñ sānvī kirdār mere

vo in rāhoñ se hijrat kar ga.e haiñ

shajar jitne the sāya-dār mere

havā manzūm ho kar aa rahī hai

abhī kuchh log haiñ us paar mere

vahāñ par yuuñ ke maskan ban ga.e haiñ

munaqqash the dar-o-dīvār mere

lab-e-dariyā hai tasvīroñ kā mela

khaḌe haiñ ā.ina-bardār mere

sunae us ne jab ashaar mere

kai misre hue gul-bar mere

safar dariya ki rau par munhasir hai

nahin hain hath mein patwar mere

kahani mein numayan ho gae hain

wahi hain sanwi kirdar mere

wo in rahon se hijrat kar gae hain

shajar jitne the saya-dar mere

hawa manzum ho kar aa rahi hai

abhi kuchh log hain us par mere

wahan par yun ke maskan ban gae hain

munaqqash the dar-o-diwar mere

lab-e-dariya hai taswiron ka mela

khaDe hain aaina-bardar mere