سنو ایک بات عجیب سی کہ نہ غیب تھا نہ حضور تھا

سنو ایک بات عجیب سی کہ نہ غیب تھا نہ حضور تھا

جو تھا میرے دل کے قریب تر وہ مری نگاہ سے دور تھا

وہ جو میری بزم سے چل دئے تو نظر کھلی کی کھلی رہی

مگر ایک شور بپا رہا کہ جو شور یوم نشور تھا

مجھے اپنے شوق پہ ناز تھا یہ پتہ چلا کہ فریب تھا

جسے میں سمجھتا تھا بندگی وہ مری خطا تھی قصور تھا

جو میں حال دل کا بیاں کروں مجھے ایسا موقع کہاں ملا

وہ جو میرے دل کا تھا آئنہ وہ نگاہ ناز سے چور تھا

مجھے داغ دے کے چلا گیا مرے دل میں گھاؤ لگا گیا

وہ جو میرے دل کا سرور تھا وہ جو میری آنکھ کا نور تھا