suno jab ghaib ka par jagta hai

suno jab ġhaib kā par jāgtā hai

havāoñ kā samundar jāgtā hai

sabhoñ meñ jis ne kī taqsīm nīñdeñ

ḳhudā hai jo barābar jāgtā hai

agarche bujh chukī hai merī hairat

magar ab bhī vo manzar jāgtā hai

baḌī dilchasp hotī hai kahānī

maiñ sotā huuñ to bistar jāgtā hai

kisī din maar dūñgā aa.ine par

jo mujh meñ ek patthar jāgtā hai

yaqīñ jitnī bhī gahrī niiñd meñ ho

koī vasvās andar jāgtā hai

chaḌhāo chādareñ so.e huoñ par

ye karne se muqaddar jāgtā hai

ham us ghar kī hifāzat kar rahe haiñ

mire sote hī jheñgur jāgtā hai

muqaddam kaun hai ye baat chhoḌo

vajūdoñ meñ bhī jauhar jāgtā hai

chhupī baiThī hai sahrāoñ meñ shabnam

kahīñ khetoñ meñ banjar jāgtā hai

mujhe chhūtī hai vo 'asvad' samajh kar

badan meñ jis ke marmar jāgtā hai

suno jab ghaib ka par jagta hai

hawaon ka samundar jagta hai

sabhon mein jis ne ki taqsim ninden

KHuda hai jo barabar jagta hai

agarche bujh chuki hai meri hairat

magar ab bhi wo manzar jagta hai

baDi dilchasp hoti hai kahani

main sota hun to bistar jagta hai

kisi din mar dunga aaine par

jo mujh mein ek patthar jagta hai

yaqin jitni bhi gahri nind mein ho

koi waswas andar jagta hai

chaDhao chadaren soe huon par

ye karne se muqaddar jagta hai

hum us ghar ki hifazat kar rahe hain

mere sote hi jhengur jagta hai

muqaddam kaun hai ye baat chhoDo

wajudon mein bhi jauhar jagta hai

chhupi baiThi hai sahraon mein shabnam

kahin kheton mein banjar jagta hai

mujhe chhuti hai wo 'aswad' samajh kar

badan mein jis ke marmar jagta hai