yun be-dam hain sansen ghuTan kuchh nahin hai
yuuñ be-dam haiñ sāñseñ ghuTan kuchh nahīñ hai
kisī dard kī ab chubhan kuchh nahīñ hai
khilaune haiñ miTTī ke ham sab yahāñ par
haqīqat yahī hai badan kuchh nahīñ hai
ye maanā ki paikar bahut kuchh hai lekin
binā ruuh ye pairahan kuchh nahīñ hai
lagī aag ḳhvāboñ meñ itnī ki samjho
ye āñkhoñ kī mere jalan kuchh nahīñ hai
maiñ ḳhud mustaqil huuñ safar meñ so mujh ko
ye lagne lagā hai thakan kuchh nahīñ hai
binā saath tere sabhī kuchh hai suunā
ye duniyā jahāñ anjuman kuchh nahīñ hai
numā.ish hai sab 'mīt' mere ġhamoñ kī
ġhazal kuchh nahīñ hai suḳhan kuchh nahīñ hai
yun be-dam hain sansen ghuTan kuchh nahin hai
kisi dard ki ab chubhan kuchh nahin hai
khilaune hain miTTi ke hum sab yahan par
haqiqat yahi hai badan kuchh nahin hai
ye mana ki paikar bahut kuchh hai lekin
bina ruh ye pairahan kuchh nahin hai
lagi aag KHwabon mein itni ki samjho
ye aankhon ki mere jalan kuchh nahin hai
main KHud mustaqil hun safar mein so mujh ko
ye lagne laga hai thakan kuchh nahin hai
bina sath tere sabhi kuchh hai suna
ye duniya jahan anjuman kuchh nahin hai
numaish hai sab 'mit' mere ghamon ki
ghazal kuchh nahin hai suKHan kuchh nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
