سنسان راستے نہ تھے ویران گھر نہ تھے

سنسان راستے نہ تھے ویران گھر نہ تھے

جب ہم تھے شہر میں تو یہ شام و سحر نہ تھے

اللہ رے یہ عالم غربت یہ بے بسی

ہم بیکسوں کے جیسے کبھی اپنے گھر نہ تھے

ظلمت شکن جنوں کے اجالے گواہ ہیں

ہم تھے نوید صبح تلاش سحر نہ تھے

سمٹیں تو مشت خاک ہیں پھیلیں تو کائنات

ادراک سے بلند کب آشفتہ سر نہ تھے

ہم کو مٹا سکا نہ کسی عہد کا یزید

ہم صدق تھے فسانۂ نا معتبر نہ تھے

زنداں ہے یا فصیل چمن کس کو ہوش تھا

تاریک شہر تھا کہیں دیوار و در نہ تھے