sunte hi dil ho gaya us yar ka asrar mast

sunte hī dil ho gayā us yaar kā asrār mast

hoshiyārī kyā kare jab dil ho sau sau baar mast

shohra-e-āfāq us mah se ye hai mastoñ kā haal

pheñkte haiñ sar se apne ḳhaak par dastār mast

sar-barahna be-sar-o-sāmāñ jo dil-afgār haiñ

bazm-e-mastāñ meñ vahī mash.hūr haiñ sardār mast

be-ḳhudī dīvāngī meñ is tarah sarshār haiñ

bhūlte haiñ aap ko ho kāfir o dīñ-dār mast

kab unheñ dair-o-haram yaad aa.e hai ai zāhido

kū-e-jānāñ meñ hazāroñ ho ga.e hoshyār mast

kaifiyat donoñ jahāñ kī hai vahāñ hāsil tamām

jab nazar aaveñ kisī jā par kahīñ do-chār mast

haal aa jaa.e abhī sab sākinān-e-charḳh ko

tū bhī ho jaave ai 'miskīñ' sun ke ye ash.ār mast

sunte hi dil ho gaya us yar ka asrar mast

hoshiyari kya kare jab dil ho sau sau bar mast

shohra-e-afaq us mah se ye hai maston ka haal

phenkte hain sar se apne KHak par dastar mast

sar-barahna be-sar-o-saman jo dil-afgar hain

bazm-e-mastan mein wahi mashhur hain sardar mast

be-KHudi diwangi mein is tarah sarshaar hain

bhulte hain aap ko ho kafir o din-dar mast

kab unhen dair-o-haram yaad aae hai ai zahido

ku-e-jaanan mein hazaron ho gae hoshyar mast

kaifiyat donon jahan ki hai wahan hasil tamam

jab nazar aawen kisi ja par kahin do-chaar mast

haal aa jae abhi sab sakinan-e-charKH ko

tu bhi ho jawe ai 'miskin' sun ke ye ashaar mast