surahi muzmahil hai mai ka pyala thak chuka hai

surāhī muzmahil hai mai kā pyāla thak chukā hai

dar-e-sāqī pe har ik aane vaalā thak chukā hai

añdhero aao aa kar tum hī kuchh ārām de do

ki chalte chalte bechāra ujālā thak chukā hai

'adāvat kī darāreñ vaisī kī vaisī haiñ ab tak

vo bharte bharte ulfat kā masāla thak chukā hai

mujhe luuTā zarūrat kī yahāñ har company ne

musalsal karte karte dil kifālat thak chukā hai

suḳhan meñ kuchh na.e majmū'a le kar aa.iye aap

purānī shā'irī se har risāla thak chukā hai

batā ai 'faiz' āḳhir gaañv jā kar kyā karegā

tū jis ke naam kī japtā thā maalā thak chukā hai

surahi muzmahil hai mai ka pyala thak chuka hai

dar-e-saqi pe har ek aane wala thak chuka hai

andhero aao aa kar tum hi kuchh aaram de do

ki chalte chalte bechaara ujala thak chuka hai

'adawat ki dararen waisi ki waisi hain ab tak

wo bharte bharte ulfat ka masala thak chuka hai

mujhe luTa zarurat ki yahan har company ne

musalsal karte karte dil kifalat thak chuka hai

suKHan mein kuchh nae majmu'a le kar aaiye aap

purani sha'iri se har risala thak chuka hai

bata ai 'faiz' aaKHir ganw ja kar kya karega

tu jis ke nam ki japta tha mala thak chuka hai