surKH aankhen hain zard manzar hai

surḳh āñkheñ haiñ zard manzar hai

zindagī ret kā samundar hai

sūrat-e-hāl pūchh lo ham se

dil hai ġhamgīn aañkh bhī tar hai

kaise manzil na ho qarīb mire

jab mirā hī shu.ūr rahbar hai

maiñ ye ḳhud bhī nahīñ samajh paayā

qarz kis kī nazar kā mujh par hai

maiñ añdheroñ meñ kho nahīñ saktā

ishq se dil mirā munavvar hai

rū-ba-rū aa.ine ke mat jaanā

haath meñ aa.ine ke patthar hai

ek tūfāñ hai us kī ḳhāmoshī

zindagī us kī ik samundar hai

rab salāmat rakhe ḳhudī merī

ye imārat bhī aaj jarjar hai

jis kā hotā nahīñ diloñ meñ qiyām

aadmī vo 'adīb' be-ghar hai

surKH aankhen hain zard manzar hai

zindagi ret ka samundar hai

surat-e-haal puchh lo hum se

dil hai ghamgin aankh bhi tar hai

kaise manzil na ho qarib mere

jab mera hi shuur rahbar hai

main ye KHud bhi nahin samajh paya

qarz kis ki nazar ka mujh par hai

main andheron mein kho nahin sakta

ishq se dil mera munawwar hai

ru-ba-ru aaine ke mat jaana

hath mein aaine ke patthar hai

ek tufan hai us ki KHamoshi

zindagi us ki ek samundar hai

rab salamat rakhe KHudi meri

ye imarat bhi aaj jarjar hai

jis ka hota nahin dilon mein qiyam

aadmi wo 'adib' be-ghar hai