surKH lawe ki tarah tap ke nikharna sikho
surḳh laave kī tarah tap ke nikharnā sīkho
sūkhī dhartī kī darāroñ se ubharnā sīkho
sīna-e-dasht meñ rah rah ke utarte jaao
yā phir āñdhī kī tarah khul ke guzarnā sīkho
kohsāroñ pe chaḌho abr-e-ravāñ kī sūrat
ābshāroñ kī tarah gir ke bikharnā sīkho
maqtal-e-shahr meñ jab harf-e-vafā kho jaa.e
tum kisī chīḳh kī mānind ubharnā sīkho
surKH lawe ki tarah tap ke nikharna sikho
sukhi dharti ki dararon se ubharna sikho
sina-e-dasht mein rah rah ke utarte jao
ya phir aandhi ki tarah khul ke guzarna sikho
kohsaron pe chaDho abr-e-rawan ki surat
aabshaaron ki tarah gir ke bikharna sikho
maqtal-e-shahr mein jab harf-e-wafa kho jae
tum kisi chiKH ki manind ubharna sikho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
