surKH sidha saKHt nila dur uncha aasman

surḳh sīdhā saḳht niilā duur ūñchā āsmāñ

zard sūraj kā vatan tārīk bahtā āsmāñ

sard chup kaalī saḌak ko rauñdte phirte charāġh

daaġh daaġh apnī ridā meñ sar ko dhuntā āsmāñ

duur duur uḌtā gayā maiñ nuur ke rahvār par

phir bhī jab bhī sar uThāyā muñh pe dekhā āsmāñ

jaane kab se be-nishāñ vo chāh-e-shab meñ ġharq thā

maiñ jo uTThā ho gayā ik dam ujālā āsmāñ

nāchtā phirtā sharar bhī niim shab kī god meñ

dil-lagī kā ik jatan thā kuchh to khultā āsmāñ

surKH sidha saKHt nila dur uncha aasman

zard suraj ka watan tarik bahta aasman

sard chup kali saDak ko raundte phirte charagh

dagh dagh apni rida mein sar ko dhunta aasman

dur dur uDta gaya main nur ke rahwar par

phir bhi jab bhi sar uThaya munh pe dekha aasman

jaane kab se be-nishan wo chah-e-shab mein gharq tha

main jo uTTha ho gaya ek dam ujala aasman

nachta phirta sharar bhi nim shab ki god mein

dil-lagi ka ek jatan tha kuchh to khulta aasman