surmai raaton se chhinwa kar sahar ki raunaqen

surma.ī rātoñ se chhinvā kar sahar kī raunaqeñ

nāla-e-shām-e-ġharībāñ bechtā phirtā huuñ maiñ

mauj-e-barbat mauj-e-gul mauj-e-sabā ke saath saath

nik.hat-e-gasu-e-ḳhūbāñ bechtā phirtā huuñ maiñ

dīdanī hai ab mire chāk-e-girebāñ kā ma.aal

kaj-kulāhoñ ke girebāñ bechtā phirtā huuñ maiñ

shola-e-tārīḳh kī zad par hai tāj-e-khusravī

ġharra-e-taqdīr-e-sultāñ bechtā phirtā huuñ maiñ

kalba-e-mehnat-kashāñ ko de ke ġhairat kā charāġh

shaukat-e-qasr-e-zar-afshāñ bechtā phirtā huuñ maiñ

surmai raaton se chhinwa kar sahar ki raunaqen

nala-e-sham-e-ghariban bechta phirta hun main

mauj-e-barbat mauj-e-gul mauj-e-saba ke sath sath

nikhat-e-gasu-e-KHuban bechta phirta hun main

didani hai ab mere chaak-e-gireban ka maal

kaj-kulahon ke gireban bechta phirta hun main

shola-e-tariKH ki zad par hai taj-e-khusrawi

gharra-e-taqdir-e-sultan bechta phirta hun main

kalba-e-mehnat-kashan ko de ke ghairat ka charagh

shaukat-e-qasr-e-zar-afshan bechta phirta hun main