su-e-manzil koi karwan luT gaya

sū-e-manzil koī kārvāñ luT gayā

kis kī ummīd kā ye jahāñ luT gayā

tū ne uf tak na kī dekhtā rah gayā

tere kūche meñ ik kārvāñ luT gayā

koī hasrat na gulchīñ ke dil meñ rahī

phuul murjhā ga.e gulsitāñ luT gayā

tum to hushiyār the kyuuñ hue be-ḳhabar

dil to nādān thā nā-gahāñ luT gayā

koī aa.e madad ke liye ab mirī

gul-ruḳhāñ luT gayā mah-vashāñ luT gayā

hai shikāyat tujhī se mire mehrbāñ

pesh darbāñ tirā mehmāñ luT gayā

shaiḳh bhī kitnā 'shādāñ' balā-nosh thā

bātoñ bātoñ meñ pīr-e-muġhāñ luT gayā

su-e-manzil koi karwan luT gaya

kis ki ummid ka ye jahan luT gaya

tu ne uf tak na ki dekhta rah gaya

tere kuche mein ek karwan luT gaya

koi hasrat na gulchin ke dil mein rahi

phul murjha gae gulsitan luT gaya

tum to hushiyar the kyun hue be-KHabar

dil to nadan tha na-gahan luT gaya

koi aae madad ke liye ab meri

gul-ruKHan luT gaya mah-washan luT gaya

hai shikayat tujhi se mere mehrban

pesh darban tera mehman luT gaya

shaiKH bhi kitna 'shadan' bala-nosh tha

baaton baaton mein pir-e-mughan luT gaya