sukhe hue patton mein aawaz ki KHushbu hai

sūkhe hue pattoñ meñ āvāz kī ḳhushbū hai

alfāz ke sahrā meñ taḳh.īl kā aahū hai

jaate hue sūraj kī ik tirchhī nazar hī thī

tab sharm kā sindūr thā ab hijr kā gesū hai

mas.hūr fazā kyuuñ hai majbūr sabā kyuuñ hai

rañgoñ ke hisāroñ meñ naġhmāt kā jaadū hai

maujoñ se ulajhnā kyā tūfān se guzarnā kyā

har Dūbne vaale ko ehsās-e-lab-e-jū hai

is daur-e-ḳhirad meñ bhī ai kaash ye mumkin ho

tū soche ki bas maiñ huuñ maiñ samjhūñ ki bas tū hai

kab aañkh jhapak jaa.e tasvīr badal jaa.e

har lamha subuk-rau hai har jalva tunuk-ḳhū hai

bāzār-e-tamannā kī har chiiz hī nāzuk hai

ajnās-e-ġham-e-dil haiñ palkoñ kī tarāzū hai

sukhe hue patton mein aawaz ki KHushbu hai

alfaz ke sahra mein taKHil ka aahu hai

jate hue suraj ki ek tirchhi nazar hi thi

tab sharm ka sindur tha ab hijr ka gesu hai

mashur faza kyun hai majbur saba kyun hai

rangon ke hisaron mein naghmat ka jadu hai

maujon se ulajhna kya tufan se guzarna kya

har Dubne wale ko ehsas-e-lab-e-ju hai

is daur-e-KHirad mein bhi ai kash ye mumkin ho

tu soche ki bas main hun main samjhun ki bas tu hai

kab aankh jhapak jae taswir badal jae

har lamha subuk-rau hai har jalwa tunuk-KHu hai

bazar-e-tamanna ki har chiz hi nazuk hai

ajnas-e-gham-e-dil hain palkon ki taraazu hai