سونی دل کی گلی نہ ہو جائے
سونی دل کی گلی نہ ہو جائے
دل سے اب بے دلی نہ ہو جائے
زندگی کر رہا ہوں تنگ اتنی
یار یہ خودکشی نہ ہو جائے
دوستی تو نقاب ہے اس کا
اجنبی اجنبی نہ ہو جائے
وقت اتنا بھی کر نہ دے بے بس
دودھ جم کر دہی نہ ہو جائے
اب دعا بھی اثر نہیں کرتی
بد دعا شاعری نہ ہو جائے
دھندھ کی پیروی بہت ہے یہاں
تیرگی روشنی نہ ہو جائے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
