suni suni si hai har bazm-e-suKHan tere baad

suunī suunī sī hai har bazm-e-suḳhan tere baad

ḳhatm hai silsila-e-azmat-e-fan tere baad

apne afkār se urdu ko navāzā tū ne

kis ko urdu se hai ab itnī lagan tere baad

kabhī 'ġhālib' to kabhī 'mīr' ke andāz meñ sher

hai mayassar kise ye tarz-e-suḳhan tere baad

bahr-e-taḳh.īl meñ aglī sī ravānī vo kahāñ

maujzan ab bhī haiñ go gang-o-jaman tere baad

mahfil-e-sher-o-adab meñ vo kahāñ josh-o-ḳharosh

sard hai garmī-e-bāzār-e-suḳhan tere baad

kis se pā.eñge savāloñ kā sukūñ-baḳhsh javāb

dil ko mahsūs sī hotī hai ghuTan tere baad

koī suljhā na sakā zulf-e-adab baad tire

paḌ ga.ī gesu-e-urdū meñ shikan tere baad

terā har sher nayā terā har uslūb jadīd

kaun toḌegā rivāyāt-e-kuhan tere baad

ilm-o-fan meñ tirā saanī koī maujūd nahīñ

naaz kis par kareñ ab ahl-e-vatan tere baad

jaan dene ke liye apnī ba-nām-e-urdu

kaun pahuñchegā sar-e-dār-o-rasan tere baad

kaun rakkhegā yahāñ mai-kada-e-sher kī laaj

dekhnā hai hameñ rindoñ kā chalan tere baad

kyā guzartī hai ḳhabar hai tujhe ai rūh-e-'firāq'

dil-e-'jauhar' pe sar-e-bazm-e-suḳhan tere baad

suni suni si hai har bazm-e-suKHan tere baad

KHatm hai silsila-e-azmat-e-fan tere baad

apne afkar se urdu ko nawaza tu ne

kis ko urdu se hai ab itni lagan tere baad

kabhi 'ghaalib' to kabhi 'mir' ke andaz mein sher

hai mayassar kise ye tarz-e-suKHan tere baad

bahr-e-taKHil mein agli si rawani wo kahan

maujzan ab bhi hain go gang-o-jaman tere baad

mahfil-e-sher-o-adab mein wo kahan josh-o-KHarosh

sard hai garmi-e-bazar-e-suKHan tere baad

kis se paenge sawalon ka sukun-baKHsh jawab

dil ko mahsus si hoti hai ghuTan tere baad

koi suljha na saka zulf-e-adab baad tere

paD gai gesu-e-urdu mein shikan tere baad

tera har sher naya tera har uslub jadid

kaun toDega riwayat-e-kuhan tere baad

ilm-o-fan mein tera sani koi maujud nahin

naz kis par karen ab ahl-e-watan tere baad

jaan dene ke liye apni ba-nam-e-urdu

kaun pahunchega sar-e-dar-o-rasan tere baad

kaun rakkhega yahan mai-kada-e-sher ki laj

dekhna hai hamein rindon ka chalan tere baad

kya guzarti hai KHabar hai tujhe ai ruh-e-'firaq'

dil-e-'jauhar' pe sar-e-bazm-e-suKHan tere baad