suraj chhupa ek ik gul-e-manzar bikhar gaya

sūraj chhupā ik ik gul-e-manzar bikhar gayā

sho.ala sā koī dil meñ utar kar bikhar gayā

thā chāñdnī kā jism ki shīshe kā thā badan

aa.ī havā to gir ke zamīñ par bikhar gayā

kal hañs ke reg-e-dasht se kahtī thī zindagī

maiñ ne chhuā hī thā ki vo patthar bikhar gayā

naddī pe ek narm kiran ne rakhā jo paañv

chāroñ taraf sadā kā samundar bikhar gayā

'ja.afar' hamārā dil bhī hai vo aa.ina ki bas

khaa.ī zarā nigāh kī Thokar bikhar gayā

suraj chhupa ek ek gul-e-manzar bikhar gaya

shoala sa koi dil mein utar kar bikhar gaya

tha chandni ka jism ki shishe ka tha badan

aai hawa to gir ke zamin par bikhar gaya

kal hans ke reg-e-dasht se kahti thi zindagi

main ne chhua hi tha ki wo patthar bikhar gaya

naddi pe ek narm kiran ne rakha jo panw

chaaron taraf sada ka samundar bikhar gaya

'jafar' hamara dil bhi hai wo aaina ki bas

khai zara nigah ki Thokar bikhar gaya