suraj ki tarah qariya-e-mahtab mein aaya

sūraj kī tarah qariya-e-mahtāb meñ aayā

raat ek ajab shaḳhs mire ḳhvāb meñ aayā

kyā lahr thī jo mujh ko lagā aa.ī kināre

kis mauj se phir halqa-e-girdāb meñ aayā

ye shahr to sahrāoñ kī sarhad pe basā thā

kaise ye ḳharāba kaf-e-sailāb meñ aayā

ik yaad se raushan hue dīvār-o-dar-o-bām

ḳham ek na.ī tarah kā mehrāb meñ aayā

pahle to dhanak-rañg meñ Duubā ufuq-e-jāñ

phir manzar-e-hijrāñ bhī tab-o-tāb meñ aayā

ik shaḳhs ki yaktā thā darīda-dahnī meñ

zikr us kā magar pyaar se ahbāb meñ aayā

suraj ki tarah qariya-e-mahtab mein aaya

raat ek ajab shaKHs mere KHwab mein aaya

kya lahr thi jo mujh ko laga aai kinare

kis mauj se phir halqa-e-girdab mein aaya

ye shahr to sahraon ki sarhad pe basa tha

kaise ye KHaraba kaf-e-sailab mein aaya

ek yaad se raushan hue diwar-o-dar-o-baam

KHam ek nai tarah ka mehrab mein aaya

pahle to dhanak-rang mein Duba ufuq-e-jaan

phir manzar-e-hijran bhi tab-o-tab mein aaya

ek shaKHs ki yakta tha darida-dahni mein

zikr us ka magar pyar se ahbab mein aaya