suraj se ras bhanwar se tu sahil kashid kar

sūraj se ras bhañvar se tū sāhil kashīd kar

sahrā ke zarre zarre se mahmil kashīd kar

in rā.egāñiyoñ se kinārā na kar qubūl

lā-hāsilī ke karb se hāsil kashīd kar

bhar tū sitāra-vār uḌāneñ falak ke paar

aur lā-makāñ se phir koī manzil kashīd kar

jazboñ kī hiddatoñ se tū barfāb khīñch le

mīnā-e-ishq se tū mirā dil kashīd kar

tasḳhīr kar fishār-e-rag-e-āftāb ko

qaus-e-quzah se phir had-e-fāsil kashīd kar

imkān se tahayyur o shīshe se aks chhīn

zulmāt-e-shab se tū mah-e-kāmil kashīd kar

ġham-hā-e-nā-rasā.ī-e-zauq-e-talab sameT

arzāniyoñ se shauq kī mushkil kashīd kar

bāda-o-añgbīñ se mire ḳhāl-o-ḳhad sañvār

maanī ke shāhkār se ik til kashīd kar

soz-e-darūñ tarāsh kisī barf-zār se

yaḳh-basta ashk mai ke muqābil kashīd kar

'anjum' sharār-e-ishq hai hañgāma-e-alast

band-e-hijāb se use ġhāfil kashīd kar

suraj se ras bhanwar se tu sahil kashid kar

sahra ke zarre zarre se mahmil kashid kar

in raeganiyon se kinara na kar qubul

la-hasili ke karb se hasil kashid kar

bhar tu sitara-war uDanen falak ke par

aur la-makan se phir koi manzil kashid kar

jazbon ki hiddaton se tu barfab khinch le

mina-e-ishq se tu mera dil kashid kar

tasKHir kar fishaar-e-rag-e-aftab ko

qaus-e-quzah se phir had-e-fasil kashid kar

imkan se tahayyur o shishe se aks chhin

zulmat-e-shab se tu mah-e-kaamil kashid kar

gham-ha-e-na-rasai-e-zauq-e-talab sameT

arzaniyon se shauq ki mushkil kashid kar

baada-o-angbin se mere KHal-o-KHad sanwar

mani ke shahkar se ek til kashid kar

soz-e-darun tarash kisi barf-zar se

yaKH-basta ashk mai ke muqabil kashid kar

'anjum' sharar-e-ishq hai hangama-e-alast

band-e-hijab se use ghafil kashid kar