suraj uske ghar ki koi khiDki hai

sūraj us ke ghar kī koī khiḌkī hai

sub.h khule to shaam ko bañd ho jaatī hai

nasl-e-ādam jis ke pīchhe hai pāgal

duniyā jannat se bhāgī ik laḌkī hai

'ishq bhī farz hai tere insāñ hone kā

shādī bhī sāmājik zimmedārī hai

niilā dupaTTa yaad hai kyā tum ko us kā

āsmān ke siine par jo bhārī hai

dil se āñkhoñ tak ik naddī hai jis meñ

har dam ulTī gangā bahtī rahtī hai

duniyā hai ehsās kā ik bekal dariyā

'ishq to paar utarne kī tayyārī hai

aag lagī hai dil meñ phir bhī ġham hai makīn

jaise titlī angāre par baiThī hai

kāñTe to chubhte haiñ keval paañv meñ

phūloñ kī dil ke chhāloñ se yaarī hai

raam nahīñ huuñ maiñ na to vo hī hai siitā

pāgal laḌkī saarī baat samajhtī hai

'shams' havā meñ rahne se to laakh gunā

behtar hai vo shaḳhs ki jis par miTTī hai

suraj us ke ghar ki koi khiDki hai

subh khule to sham ko band ho jati hai

nasl-e-adam jis ke pichhe hai pagal

duniya jannat se bhagi ek laDki hai

'ishq bhi farz hai tere insan hone ka

shadi bhi samajik zimmedari hai

nila dupaTTa yaad hai kya tum ko us ka

aasman ke sine par jo bhaari hai

dil se aankhon tak ek naddi hai jis mein

har dam ulTi ganga bahti rahti hai

duniya hai ehsas ka ek bekal dariya

'ishq to par utarne ki tayyari hai

aag lagi hai dil mein phir bhi gham hai makin

jaise titli angare par baiThi hai

kanTe to chubhte hain kewal panw mein

phulon ki dil ke chhaalon se yari hai

ram nahin hun main na to wo hi hai sita

pagal laDki sari baat samajhti hai

'shams' hawa mein rahne se to lakh guna

behtar hai wo shaKHs ki jis par miTTi hai