taarufat ki KHatir zahin rahna hai

ta'ārufāt kī ḳhātir zahīn rahnā hai

so tai huā ki malūl-o-hazīn rahnā hai

bajā ki dasht munāsib hai har tarah se magar

junūñ meñ ab hameñ gosha-nashīn rahnā hai

ḳhushī ye hai ki har ummīd kī huī tadfīn

malāl ye hai ki baaqī yaqīn rahnā hai

hazār zāviya-e-rūh meñ vo tū hai jise

ba-hais-e-sāhab-e-ḳhāna makīn rahnā hai

ta'arufat ki KHatir zahin rahna hai

so tai hua ki malul-o-hazin rahna hai

baja ki dasht munasib hai har tarah se magar

junun mein ab hamein gosha-nashin rahna hai

KHushi ye hai ki har ummid ki hui tadfin

malal ye hai ki baqi yaqin rahna hai

hazar zawiya-e-ruh mein wo tu hai jise

ba-hais-e-sahab-e-KHana makin rahna hai