talluqat ki ye raushni hai kitni der
ta'alluqāt kī ye raushnī hai kitnī der
tire laboñ pe mirī shā'irī hai kitnī der
vahī malāl kā sūraj vahī galī kūcha
ai ḳhvāb-e-yār tirī zindagī hai kitnī der
tujhe bhī ḳhvāhisheñ terī tabāh kar deñgī
ai husn-e-yār tirī sādgī hai kitnī der
bujhe paḌe haiñ tire shahr meñ ka.ī sūraj
maiñ jāntā huuñ ye zinda-dilī hai kitnī der
tire ḳhatoñ pe nazar paḌtī hai to sochtā huuñ
mirī nigāh meñ ye raushnī hai kitnī der
ab is ke baa'd vahī dasht hai vahī sahrā
tumhārī aañkh meñ 'nādir' namī hai kitnī der
ta'alluqat ki ye raushni hai kitni der
tere labon pe meri sha'iri hai kitni der
wahi malal ka suraj wahi gali kucha
ai KHwab-e-yar teri zindagi hai kitni der
tujhe bhi KHwahishen teri tabah kar dengi
ai husn-e-yar teri sadgi hai kitni der
bujhe paDe hain tere shahr mein kai suraj
main jaanta hun ye zinda-dili hai kitni der
tere KHaton pe nazar paDti hai to sochta hun
meri nigah mein ye raushni hai kitni der
ab is ke ba'd wahi dasht hai wahi sahra
tumhaari aankh mein 'nadir' nami hai kitni der
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.