ta-abad ek hi charcha hoga

tā-abad ek hī charchā hogā

koī ham sā koī tum sā hogā

isī tārīk zamīñ kā manzar

chāñd par chāñdnī jaisā hogā

sūraj aayā hai mirī samt magar

dūsrī samt añdherā hogā

kaash pahle se koī batlā de

kis tarah zikr hamārā hogā

aise begāna na sunñā logo

ye bhī afsāna kisī kā hogā

vo nahīñ aa.egā is mahfil meñ

duur hī duur se suntā hogā

aa.ī be-sāḳhta har sher pe daad

kitne ma.anī nahīñ samjhā hogā

kaun thā jis ne rakhī tujh se ummīd

haañ to vo shaḳhs mujhī sā hogā

kaun thā abr jo ban kar barsā

haañ to vo tujh ko tarastā hogā

kaun thā jis se huī tai manzil

haañ to pahle vo bhaTaktā hogā

kaun thā jis se ye sho.ale bhaḌke

haañ to vo ḳhuub sulagtā hogā

tum raho chup ki ġhazal-ḳhvāñ 'ālī'

na burā hogā na achchhā hogā

ta-abad ek hi charcha hoga

koi hum sa koi tum sa hoga

isi tarik zamin ka manzar

chand par chandni jaisa hoga

suraj aaya hai meri samt magar

dusri samt andhera hoga

kash pahle se koi batla de

kis tarah zikr hamara hoga

aise begana na sunna logo

ye bhi afsana kisi ka hoga

wo nahin aaega is mahfil mein

dur hi dur se sunta hoga

aai be-saKHta har sher pe dad

kitne mani nahin samjha hoga

kaun tha jis ne rakhi tujh se ummid

han to wo shaKHs mujhi sa hoga

kaun tha abr jo ban kar barsa

han to wo tujh ko tarasta hoga

kaun tha jis se hui tai manzil

han to pahle wo bhaTakta hoga

kaun tha jis se ye shoale bhaDke

han to wo KHub sulagta hoga

tum raho chup ki ghazal-KHwan 'ali'

na bura hoga na achchha hoga