ta-chand suKHan-sazi-e-nairang-e-KHarabaat

tā-chand suḳhan-sāzī-e-nairañg-e-ḳharābāt

yaañ qasd-e-ḳharābī hai na āhañg-e-ḳharābāt

aa dil meñ ki is dar pe jo baiThā hai phir un ne

farsaḳh gine ka.aba ke na farsañg-e-ḳharābāt

dekheñ to tirī dhuum Tuk ai shorish-e-mastī

phir aaj sar o siina hai aur sañg-e-ḳharābāt

tashbīh maiñ jis dil ko na dī ka.aba se so dil

ab ishq-e-mai-o-muġh se hai ham-rañg-e-ḳharābāt

ai ġhuncha-dahan bas lab-e-mai-gūñ ko tanik muuñd

dil tañg kahāñ tak ho dil-e-tañg-e-ḳharābāt

sau sar kā jo ho aa.e to maqbūl nahīñ yaañ

khaa.ī nahīñ jis rind ne sarchañg-e-ḳharābāt

kis naam se 'qā.em' maiñ tujhe kah tū pukārūñ

ai ār-e-dar-e-masjid o ai nañg-e-ḳharābāt

ta-chand suKHan-sazi-e-nairang-e-KHarabaat

yan qasd-e-KHarabi hai na aahang-e-KHarabaat

aa dil mein ki is dar pe jo baiTha hai phir un ne

farsaKH gine kaba ke na farsang-e-KHarabaat

dekhen to teri dhum Tuk ai shorish-e-masti

phir aaj sar o sina hai aur sang-e-KHarabaat

tashbih main jis dil ko na di kaba se so dil

ab ishq-e-mai-o-mugh se hai ham-rang-e-KHarabaat

ai ghuncha-dahan bas lab-e-mai-gun ko tanik mund

dil tang kahan tak ho dil-e-tang-e-KHarabaat

sau sar ka jo ho aae to maqbul nahin yan

khai nahin jis rind ne sarchang-e-KHarabaat

kis nam se 'qaem' main tujhe kah tu pukarun

ai aar-e-dar-e-masjid o ai nang-e-KHarabaat