ta-hadd-e-nazar arsh pe phaila jo dhuan hai

tā-hadd-e-nazar arsh pe phailā jo dhuāñ hai

fariyād hai mātam hai bapā āh-o-fuġhāñ hai

Dartā huuñ na ho jaa.eñ ye patthar mirī āñkheñ

sad-shukr in āñkhoñ meñ abhī sail-e-ravāñ hai

rone se kaleje ko milā kartī hai ThanDak

shabbīr sā duniyā meñ koī ġham bhī kahāñ hai

maiñ hosh meñ aa.uuñ bhī to kis vāste aa.uuñ

mad.hoshī-e-ġham hī to mirī jā-e-amāñ hai

yūñhī nahīñ mahfūz hai ye gardish-e-aflāk

shabbīr kā ġham ālam-e-ḳhilqat kī amaañ hai

mātam se jo khulte haiñ badan par mire chhāle

ye zaḳhm nahīñ ye to tahārat kā nishāñ hai

is tauq meñ gardan ke ayaañ hai koī inkār

zanjīr sambhāle hue aalam kī amaañ hai

sar pe jo mayassar nahīñ hai chādar-e-tathīr

is zulm-e-yazīdī pe falak nauha-kunāñ hai

nannhī sī kalī qaid-e-salāsil aur yatīmī

ai qahr-e-ḳhudāvand tū kahāñ hai tū kahāñ hai

ye roz kā mātam ye azā-dārī ye ronā

sadqa hai sakīna kā jo sīnoñ meñ nihāñ hai

'kāzim' yahī baḳhshish kā hai sāmāñ yahī pūñjī

siine meñ mire ġham kā jo sailāb ravāñ hai

ta-hadd-e-nazar arsh pe phaila jo dhuan hai

fariyaad hai matam hai bapa aah-o-fughan hai

Darta hun na ho jaen ye patthar meri aankhen

sad-shukr in aankhon mein abhi sail-e-rawan hai

rone se kaleje ko mila karti hai ThanDak

shabbir sa duniya mein koi gham bhi kahan hai

main hosh mein aaun bhi to kis waste aaun

madhoshi-e-gham hi to meri ja-e-aman hai

yunhi nahin mahfuz hai ye gardish-e-aflak

shabbir ka gham aalam-e-KHilqat ki aman hai

matam se jo khulte hain badan par mere chhaale

ye zaKHm nahin ye to tahaarat ka nishan hai

is tauq mein gardan ke ayan hai koi inkar

zanjir sambhaale hue aalam ki aman hai

sar pe jo mayassar nahin hai chadar-e-tathir

is zulm-e-yazidi pe falak nauha-kunan hai

nannhi si kali qaid-e-salasil aur yatimi

ai qahr-e-KHudawand tu kahan hai tu kahan hai

ye roz ka matam ye aza-dari ye rona

sadqa hai sakina ka jo sinon mein nihan hai

'kazim' yahi baKHshish ka hai saman yahi punji

sine mein mere gham ka jo sailab rawan hai