ta-hashr to firaq ka ehsan hai aur hum

tā-hashr to firāq kā ehsāñ hai aur ham

kyā ba.ad-e-hashr bhī shab-e-hijrāñ hai aur ham

duniyā to jāntī hai ki zindāñ hai aur ham

ham jānte haiñ ḳhalvat-e-jānāñ hai aur ham

piirī hai aur koshish-e-darmāñ hai aur ham

maidāñ hai aur umr-e-gurezāñ hai aur ham

kis ko bhalā nasīb huī aisī saltanat

hadd-e-ḳhayāl tak ye bayābāñ hai aur ham

ik naam zindagī bhī hai qaid-e-hayāt kā

tā-marg āb-o-gil kā ye zindāñ hai aur ham

mahshar hai intizār-e-savāl-o-javāb hai

lekin fasāna-e-ġham-e-hijrāñ hai aur ham

le-de ke rah gayā hai yahī ek mashġhala

fikr-e-javāb-e-daftar-e-isyānñ hai aur ham

ta-hashr to firaq ka ehsan hai aur hum

kya baad-e-hashr bhi shab-e-hijran hai aur hum

duniya to jaanti hai ki zindan hai aur hum

hum jaante hain KHalwat-e-jaanan hai aur hum

piri hai aur koshish-e-darman hai aur hum

maidan hai aur umr-e-gurezan hai aur hum

kis ko bhala nasib hui aisi saltanat

hadd-e-KHayal tak ye bayaban hai aur hum

ek nam zindagi bhi hai qaid-e-hayat ka

ta-marg aab-o-gil ka ye zindan hai aur hum

mahshar hai intizar-e-sawal-o-jawab hai

lekin fasana-e-gham-e-hijran hai aur hum

le-de ke rah gaya hai yahi ek mashghala

fikr-e-jawab-e-daftar-e-isyann hai aur hum