تعظیم آرتی کی ہے آدر اذاں کا ہے

تعظیم آرتی کی ہے آدر اذاں کا ہے

دنیا میں یہ کمال تو ہندوستاں کا ہے

گندی سیاستوں نے بہاروں کو کھا لیا

موسم ہمارے گاؤں میں اب بھی خزاں کا ہے

ناحق ہی دشمنوں کو یہ الزام دے دیا

گلشن اجاڑنے کا جتن باغباں کا ہے

تم زلزلوں کے خوف سے واقف نہیں رہے

اتنا غرور آج یہ اونچے مکاں کا ہے

عنوان جو ہماری کہانی کا تھا کبھی

کردار اب وہ اور کسی داستاں کا ہے

ارشدؔ نہیں ہے کوئی گلہ غیر سے ہمیں

غدار ہے تو کوئی اسی کارواں کا ہے