tab-e-didar la nahin sakte

tāb-e-dīdār lā nahīñ sakte

un se nazreñ milā nahīñ sakte

rāz-e-dil ab chhupā nahīñ sakte

aur zabāñ par bhī lā nahīñ sakte

dil meñ rahtī hai ik ḳhalish paiham

jis ko ham ḳhud batā nahīñ sakte

jur.at-e-dil kahāñ kahāñ jalve

hosh meñ ham ab aa nahīñ sakte

dil meñ aise bhī chand shikve haiñ

jo zabāñ par bhī lā nahīñ sakte

arsh-ras the kabhī yahī naale

aaj lab tak bhī aa nahīñ sakte

chal rahī hai havā vo gulshan meñ

āshiyāñ tak banā nahīñ sakte

maslahat kuchh to hai 'munīr' is meñ

varna kyā ḳhud vo aa nahīñ sakte

tab-e-didar la nahin sakte

un se nazren mila nahin sakte

raaz-e-dil ab chhupa nahin sakte

aur zaban par bhi la nahin sakte

dil mein rahti hai ek KHalish paiham

jis ko hum KHud bata nahin sakte

jurat-e-dil kahan kahan jalwe

hosh mein hum ab aa nahin sakte

dil mein aise bhi chand shikwe hain

jo zaban par bhi la nahin sakte

arsh-ras the kabhi yahi nale

aaj lab tak bhi aa nahin sakte

chal rahi hai hawa wo gulshan mein

aashiyan tak bana nahin sakte

maslahat kuchh to hai 'munir' is mein

warna kya KHud wo aa nahin sakte