tabish-e-chashm-e-tar mein rahte hain

tābish-e-chashm-e-tar meñ rahte haiñ

aks dīvār-o-dar meñ rahte haiñ

dafn ho kar bhī jaan se pyāre

dil ke vīrāñ nagar meñ rahte haiñ

manziloñ se nikal ke aage ham

yaad kī rahguzar meñ rahte haiñ

kārvāñ kab hamāre saath rahā

ham to tanhā safar meñ rahte haiñ

un se bār-e-digar nahīñ nisbat

vo jo bār-e-digar meñ rahte haiñ

kyoñ masīhā kā intizār kareñ

ham duā ke asar meñ rahte haiñ

TuuTe tāroñ kī raushnī kī tarah

kitne chehre nazar meñ rahte haiñ

chehragī ke tamām-tar chehre

dast-e-ā.īna-gar meñ rahte haiñ

sab kamāl-o-zavāl ke pahlū

apnī chashm-e-hunar meñ rahte haiñ

pūchh kar tā.eroñ se aksar ham

ik ghanere shajar meñ rahte haiñ

ishq ke raaz ḳhushbuoñ ke payām

sab nasīm-e-sahar meñ rahte haiñ

zulmatoñ ko ujālne vaale

nūr-e-fat.h-o-'zafar' meñ rahte haiñ

tabish-e-chashm-e-tar mein rahte hain

aks diwar-o-dar mein rahte hain

dafn ho kar bhi jaan se pyare

dil ke viran nagar mein rahte hain

manzilon se nikal ke aage hum

yaad ki rahguzar mein rahte hain

karwan kab hamare sath raha

hum to tanha safar mein rahte hain

un se bar-e-digar nahin nisbat

wo jo bar-e-digar mein rahte hain

kyon masiha ka intizar karen

hum dua ke asar mein rahte hain

TuTe taron ki raushni ki tarah

kitne chehre nazar mein rahte hain

chehragi ke tamam-tar chehre

dast-e-aina-gar mein rahte hain

sab kamal-o-zawal ke pahlu

apni chashm-e-hunar mein rahte hain

puchh kar taeron se aksar hum

ek ghanere shajar mein rahte hain

ishq ke raaz KHushbuon ke payam

sab nasim-e-sahar mein rahte hain

zulmaton ko ujalne wale

nur-e-fath-o-'zafar' mein rahte hain