tabish ye bhala kaun si rut aai hai jaani

tābish ye bhalā kaun sī rut aa.ī hai jaanī

sahrā meñ koī reg na dariyā meñ hai paanī

ḳhalvat-kada-e-dil pe zabūñ-hālī-e-bisyār

hai sūrat ganjīna-e-alfāz-o-ma'ānī

har chand huī is ke evaz dil kī ḳharābī

kyā kahiye ki baḌhtā rahā shauq-e-hama-dānī

mujh se mirī rotī huī āñkheñ to na chhīno

rahne do mire paas mirī koī nishānī

dīvār-o-dar-o-bām kī vīrānī ne aksar

ro ro ke kahī mausam-e-rafta kī kahānī

tabish ye bhala kaun si rut aai hai jaani

sahra mein koi reg na dariya mein hai pani

KHalwat-kada-e-dil pe zabun-haali-e-bisyar

hai surat ganjina-e-alfaz-o-ma'ani

har chand hui is ke ewaz dil ki KHarabi

kya kahiye ki baDhta raha shauq-e-hama-dani

mujh se meri roti hui aankhen to na chhino

rahne do mere pas meri koi nishani

diwar-o-dar-o-baam ki virani ne aksar

ro ro ke kahi mausam-e-rafta ki kahani