tair hai aae aae na aae zafil par

taa.ir hai aa.e aa.e na aa.e zafīl par

āḳhir ko aa giregā badan kī fasīl par

aisī bhī kyā ḳhatā thī jo sukh-chain le ga.ī

maazī meñ jhāñktā huuñ isī ik dalīl par

kamre kī phir fazā meñ hai mānūs sī mahak

phir ḳhvāb koī utrā hai nīñdoñ kī jhiil par

maiñ ḳhvāhishoñ kī umr se aage nikal gayā

tasvīr ho gayā huuñ laTaknā hai kiil par

qātil ke haq meñ qaazī gavāhī bhī de gayā

ilzām hai faqat ye hasīn-o-jamīl par

'sābir' jahāñ likhā thā safar umr bhar kā hai

kuchh naqsh-e-pā bane the usī sang-e-mīl par

tair hai aae aae na aae zafil par

aaKHir ko aa girega badan ki fasil par

aisi bhi kya KHata thi jo sukh-chain le gai

mazi mein jhankta hun isi ek dalil par

kamre ki phir faza mein hai manus si mahak

phir KHwab koi utra hai nindon ki jhil par

main KHwahishon ki umr se aage nikal gaya

taswir ho gaya hun laTakna hai kil par

qatil ke haq mein qazi gawahi bhi de gaya

ilzam hai faqat ye hasin-o-jamil par

'sabir' jahan likha tha safar umr bhar ka hai

kuchh naqsh-e-pa bane the usi sang-e-mil par