takid karo zamzama-sanjaan-e-chaman ko

tākīd karo zamzama-sanjān-e-chaman ko

bechain hoñ dil jin se vo naġhme na alāpo

ai ahl-e-vatan! khaao piyo shauq se lekin

khelo na kabhī sar se kabhī muñh se na bolo

har tā.ir-e-parrāñ ke par-o-bāl karo qaiñch

har banda-e-āzād ko shīshe meñ utāro

ban jaa.e rivāyat na kahīñ halqa-e-zanjīr

har rafta ko maujūd kī mīzān pe tolo

pursān-e-pareshānī-e-insāñ nahīñ koī

qismat kī girah nāḳhun-e-tadbīr se kholo

kyuuñ sarf-e-nazar karte ho anjām se apne

qudrat to taraf-dār kisī kī nahīñ logo!

ham to haiñ faqat dil-zada-e-zauq-e-tamāshā

rum ham se abas karte ho ai zohra-nigāho!

ham chashm-e-sahar, dīda-e-shab, dast-e-sabā haiñ

parda to hai nā-mahramoñ se lāla-azāro!

vo qaum ki naam is kā musalmān hai 'ḳhālid'

kyā yaad hai shart antum-ul-a.alaun kī us ko?

takid karo zamzama-sanjaan-e-chaman ko

bechain hon dil jin se wo naghme na alapo

ai ahl-e-watan! khao piyo shauq se lekin

khelo na kabhi sar se kabhi munh se na bolo

har tair-e-parran ke par-o-baal karo qainch

har banda-e-azad ko shishe mein utaro

ban jae riwayat na kahin halqa-e-zanjir

har rafta ko maujud ki mizan pe tolo

pursan-e-pareshani-e-insan nahin koi

qismat ki girah naKHun-e-tadbir se kholo

kyun sarf-e-nazar karte ho anjam se apne

qudrat to taraf-dar kisi ki nahin logo!

hum to hain faqat dil-zada-e-zauq-e-tamasha

rum hum se abas karte ho ai zohra-nigaho!

hum chashm-e-sahar, dida-e-shab, dast-e-saba hain

parda to hai na-mahramon se lala-azaro!

wo qaum ki nam is ka musalman hai 'KHalid'

kya yaad hai shart antum-ul-alaun ki us ko?