تالاب دریا جھیل سمندر نہیں ہوئے

تالاب دریا جھیل سمندر نہیں ہوئے

اس کی نگاہ ناز سے بڑھ کر نہیں ہوئے

کب سے خدا سمجھ کے جسے پوجتے رہے

اس کی نظر کے سائے بھی ہم پر نہیں ہوئے

سر سے نہ ایک شخص کا نشہ اتر سکا

سو ہم نشہ میں دھت کبھی پی کر نہیں ہوئے

جتنے اداس ہم تجھے کھو کر ہوئے ہیں آج

اتنے تو خوش کبھی تجھے پا کر نہیں ہوئے

تو جس طرف بھی جائے ادھر چل پڑیں گے دوست

ہم تیرے ساتھ سوچ سمجھ کر نہیں ہوئے

دنیا تلی تھی ہم کو بنانے پہ دیوتا

پر ہم کسی بھی حال میں پتھر نہیں ہوئے