talib-e-ishq hai kya salik-e-uryan na hua

tālib-e-ishq hai kyā sālik-e-uryāñ na huā

qurb mahjūr huā vāsil-e-jānāñ na huā

haiñ junūñ josh vahī jazb kā nisyāñ na huā

qatra dariyā jo huā aa.ina hairāñ na huā

kyā siya-mast huā kaif meñ raqsāñ na huā

jām-e-sar-josh se bhī sālik-e-vajdāñ na huā

vasl-e-mau.ūd se āshob-e-tamannā hai adam

be-tamannā tirā āshufta-e-hijrāñ na huā

maiñ jo majzūb-e-azal thā na ga.ī mahviyyat

sub.h-e-mahshar se mirā chaak garebāñ na huā

dīd-e-be-chūn-o-chigūñ sair-e-latā.ef meñ jo thī

mahv-e-ā.īna-e-nairñgī-e-alvāñ na huā

vus.at-e-mashrab-e-rindāñ hai tilism-e-hairat

ye kisī tañg fazā dil kā bayābāñ na huā

sūrat-e-hāl ne mash.hūd kiyā kaif-e-batūñ

rāz-e-sar-basta mirā girya-e-pinhāñ na huā

jam.a kyuuñ farq ho nairañg-e-mazāhir ke sabab

terā manzūr-e-nazar āñkhoñ se pinhāñ na huā

aañkh se aañkh laḌī chīn-e-jabīñ mahv huī

shauq-e-dīdār mirā jalvā-pashemāñ na huā

jām-e-sarshār meñ kuchh kaif na aayā ham ko

'sāqī'-e-mast jo sar-halqa-e-mastāñ na huā

talib-e-ishq hai kya salik-e-uryan na hua

qurb mahjur hua wasil-e-jaanan na hua

hain junun josh wahi jazb ka nisyan na hua

qatra dariya jo hua aaina hairan na hua

kya siya-mast hua kaif mein raqsan na hua

jam-e-sar-josh se bhi salik-e-wajdan na hua

wasl-e-mauud se aashob-e-tamanna hai adam

be-tamanna tera aashufta-e-hijran na hua

main jo majzub-e-azal tha na gai mahwiyyat

subh-e-mahshar se mera chaak gareban na hua

did-e-be-chun-o-chigun sair-e-lataef mein jo thi

mahw-e-aina-e-nairngi-e-alwan na hua

wusat-e-mashrab-e-rindan hai tilism-e-hairat

ye kisi tang faza dil ka bayaban na hua

surat-e-haal ne mashhud kiya kaif-e-batun

raaz-e-sar-basta mera girya-e-pinhan na hua

jama kyun farq ho nairang-e-mazahir ke sabab

tera manzur-e-nazar aankhon se pinhan na hua

aankh se aankh laDi chin-e-jabin mahw hui

shauq-e-didar mera jalwa-pasheman na hua

jam-e-sarshaar mein kuchh kaif na aaya hum ko

'saqi'-e-mast jo sar-halqa-e-mastan na hua