talluqat-e-wafa mein jo sard ab tak hai

ta.alluqāt-e-vafā meñ jo sard ab tak hai

ka.ī mahāz pe garm-e-nabard ab tak hai

agarche shahr ke hālāt pur-sukūn bhī haiñ

har ek chehra magar zard zard ab tak hai

bhaḌak uThe to zamāne kī ḳhair nā-mumkin

vahī jo aag sī siine meñ sard ab tak hai

tumhārī baat se vo sañg-dil pighaltā kyā

tumhārā dil bhī to mahrūm-e-dard ab tak hai

vo ek ḳhvāb ki ta.abīr pā sakā na abhī

vo ik ḳhayāl ki sahrā-navard ab tak hai

havā ne kaun se ḳhvāboñ se dil lagāyā thā

hamārī tarah jo āvāra-gard ab tak hai

talluqat-e-wafa mein jo sard ab tak hai

kai mahaz pe garm-e-nabard ab tak hai

agarche shahr ke haalat pur-sukun bhi hain

har ek chehra magar zard zard ab tak hai

bhaDak uThe to zamane ki KHair na-mumkin

wahi jo aag si sine mein sard ab tak hai

tumhaari baat se wo sang-dil pighalta kya

tumhaara dil bhi to mahrum-e-dard ab tak hai

wo ek KHwab ki tabir pa saka na abhi

wo ek KHayal ki sahra-naward ab tak hai

hawa ne kaun se KHwabon se dil lagaya tha

hamari tarah jo aawara-gard ab tak hai