talluqat jahan se na hadsat se hai

ta.alluqāt jahāñ se na hādsāt se hai

mire ḳhulūs kā rishta tumhārī zaat se hai

taḌap rahe haiñ to ahbāb milne aa.e haiñ

hamāre dil kī ye hālat to aadhī raat se hai

maiñ dushmanoñ ko bhī apne aziiz rakhtā huuñ

ma.āshre meñ tasādum bhī un kī zaat se hai

maiñ aa.ina huuñ mujhe dekh kitnā saada huuñ

mirī nigāh kā rishta jamāliyāt se hai

mashīnī daur meñ ham log saañs lete haiñ

ye uuñch niich bhī shahroñ ke vāqi.āt se hai

qadam qadam pe na.ī zahmatoñ ne yaad kiyā

'munīr' aap kā jiinā bhī hādsāt se hai

talluqat jahan se na hadsat se hai

mere KHulus ka rishta tumhaari zat se hai

taDap rahe hain to ahbab milne aae hain

hamare dil ki ye haalat to aadhi raat se hai

main dushmanon ko bhi apne aziz rakhta hun

maashre mein tasadum bhi un ki zat se hai

main aaina hun mujhe dekh kitna sada hun

meri nigah ka rishta jamaliyat se hai

mashini daur mein hum log sans lete hain

ye unch nich bhi shahron ke waqiat se hai

qadam qadam pe nai zahmaton ne yaad kiya

'munir' aap ka jina bhi hadsat se hai