taq par rakh ke mere KHwab sajaane wale

taaq par rakh ke mire ḳhvāb sajāne vaale

tujh ko achchhā nahīñ samjheñge zamāne vaale

gul-faroshā baḌe din ba.ad dī āvāz hameñ

le ke aa.e ho vahī gul vo purāne vaale

hañste jaate ho muāfī kī talab karte hue

aisā karte haiñ bhalā yaar manāne vaale

tum kahāñ se liye aate ho hamārā andāz

kaun haiñ lahje yahāñ bech ke khāne vaale

der tak jurm ke ehsās meñ jalte rahte

ham bhī gar hote koī sham.a bujhāne vaale

nāz-o-andāz vo apnāyā hai tum ne bhī ki bas

ham haiñ ab der talak tum ko satāne vaale

raah meñ bhaTke hue milte haiñ aksar naushe

dūsre logoñ ko manzil kā pata batāne vaale

taq par rakh ke mere KHwab sajaane wale

tujh ko achchha nahin samjhenge zamane wale

gul-farosha baDe din baad di aawaz hamein

le ke aae ho wahi gul wo purane wale

hanste jate ho muafi ki talab karte hue

aisa karte hain bhala yar manane wale

tum kahan se liye aate ho hamara andaz

kaun hain lahje yahan bech ke khane wale

der tak jurm ke ehsas mein jalte rahte

hum bhi gar hote koi shama bujhane wale

naz-o-andaz wo apnaya hai tum ne bhi ki bas

hum hain ab der talak tum ko satane wale

rah mein bhaTke hue milte hain aksar naushe

dusre logon ko manzil ka pata batane wale