tare sare raqs karenge chand zamin par utrega

taare saare raqs kareñge chāñd zamīñ par utregā

aks mire mahbūb kā jab bhī jal ke andar utregā

un nainoñ meñ sab kuchh khoyā dil Duubā aur hosh ga.e

jin nainoñ kī gahrā.ī meñ ek samundar utregā

shahr-e-dil ke har raste par diip jalā.e baiThā huuñ

un kī yādoñ kā ye lashkar mere ghar par utregā

vo aa.e to saarā āñgan saarā gulshan mahkegā

un kā jalva ḳhushbū ban kar gul meñ aksar utregā

dīvāna to dīvāna hai kyā rasta or kyā manzil

par apne mahbūb ke ghar hī aisā be-ghar utregā

ham jaise haiñ or jahāñ haiñ achchhe achchhe kaam kareñ

na ham nabh tak pahuñch sakeñge or na ambar utregā

ghar chhoTe haiñ par logo ke dil to mahloñ jaise haiñ

is bastī meñ ik na ik din ek sikandar utregā

tum sab se achchhe ho sājan aur 'sājid' ko pyāre ho

ruup tumhārā ab kāġhaz par ġhazleñ ban kar utregā

tare sare raqs karenge chand zamin par utrega

aks mere mahbub ka jab bhi jal ke andar utrega

un nainon mein sab kuchh khoya dil Duba aur hosh gae

jin nainon ki gahrai mein ek samundar utrega

shahr-e-dil ke har raste par dip jalae baiTha hun

un ki yaadon ka ye lashkar mere ghar par utrega

wo aae to sara aangan sara gulshan mahkega

un ka jalwa KHushbu ban kar gul mein aksar utrega

diwana to diwana hai kya rasta or kya manzil

par apne mahbub ke ghar hi aisa be-ghar utrega

hum jaise hain or jahan hain achchhe achchhe kaam karen

na hum nabh tak pahunch sakenge or na ambar utrega

ghar chhoTe hain par logo ke dil to mahlon jaise hain

is basti mein ek na ek din ek sikandar utrega

tum sab se achchhe ho sajan aur 'sajid' ko pyare ho

rup tumhaara ab kaghaz par ghazlen ban kar utrega