tari rahega soch pe wahshat ka bhut kya

taarī rahegā soch pe vahshat kā bhuut kyā

TūTegā kisī taur ye shab kā sukūt kyā

paḌtī nahīñ hai aañkh ke sāhil pe surḳh dhuup

kartā maiñ ārzūoñ ke lāshe hanūt kyā

tum ne kahā to zahr bhī piinā paḌā mujhe

ab is se baḌh ke duuñ tumheñ sach kā subūt kyā

kaise kapās ke liye gandum ko chhoḌ duuñ

miTtī nahīñ hai bhuuk to kātūñ maiñ suut kyā

merī nazar bhī tālib-e-dīdār-e-hīr hai

malnā paḌegā jism pe mujh ko bhabūt kyā

'arshad' hamāre haath se phislegī ek din

pahle bachā sakā koī sāñsoñ kī huut kyā

tari rahega soch pe wahshat ka bhut kya

TuTega kisi taur ye shab ka sukut kya

paDti nahin hai aankh ke sahil pe surKH dhup

karta main aarzuon ke lashe hanut kya

tum ne kaha to zahr bhi pina paDa mujhe

ab is se baDh ke dun tumhein sach ka subut kya

kaise kapas ke liye gandum ko chhoD dun

miTti nahin hai bhuk to katun main sut kya

meri nazar bhi talib-e-didar-e-hir hai

malna paDega jism pe mujh ko bhabut kya

'arshad' hamare hath se phislegi ek din

pahle bacha saka koi sanson ki hut kya