tariKH-nawisi ki ye tarz purani hai

tārīḳh-navīsī kī ye tarz purānī hai

shāhoñ kā fasāna hai pariyoñ kī kahānī hai

patthar ke zamāne se atom ke zamāne tak

paḌhte hī chale jaao insāñ kī kahānī hai

jo rāsta rokegā bah jā.egā maujoñ meñ

chaḌhtā huā dariyā hai bahtā huā paanī hai

kyā soch rahe ho tum baiThe hue aise meñ

aao chalo zindāñ kī dīvār girānī hai

vo sindh kī ghāTī ho yā niil kī vaadī ho

tahzīb-o-tamaddun kī tārīḳh purānī hai

tariKH-nawisi ki ye tarz purani hai

shahon ka fasana hai pariyon ki kahani hai

patthar ke zamane se atom ke zamane tak

paDhte hi chale jao insan ki kahani hai

jo rasta rokega bah jaega maujon mein

chaDhta hua dariya hai bahta hua pani hai

kya soch rahe ho tum baiThe hue aise mein

aao chalo zindan ki diwar girani hai

wo sindh ki ghaTi ho ya nil ki wadi ho

tahzib-o-tamaddun ki tariKH purani hai