tariki mein zinda rahna hum ko nahin manzur

tārīkī meñ zinda rahnā ham ko nahīñ manzūr

jugnū sā tābinda rahnā ham ko nahīñ manzūr

ik pal ko hī chamkeñ lekin bijlī sī lahrā.eñ

raakh tale pā.inda rahnā ham ko nahīñ manzūr

naġhma chheḌeñ saaz bajā.eñ apne dil kā ham

mausam kā sā zinda rahnā ham ko nahīñ manzūr

ham āzād parinde saarī duniyā apnī hai

ḳhitte kā bāshinda rahnā ham ko nahīñ manzūr

dast-o-garebāñ haal se haiñ ham fardā raushan ho

maazī meñ raḳhshanda rahnā ham ko nahīñ manzūr

dil ke vasīle se hī ham ne sab kuchh paayā hai

aql tirā kārinda rahnā ham ko nahīñ manzūr

tariki mein zinda rahna hum ko nahin manzur

jugnu sa tabinda rahna hum ko nahin manzur

ek pal ko hi chamken lekin bijli si lahraen

rakh tale painda rahna hum ko nahin manzur

naghma chheDen saz bajaen apne dil ka hum

mausam ka sa zinda rahna hum ko nahin manzur

hum aazad parinde sari duniya apni hai

KHitte ka bashinda rahna hum ko nahin manzur

dast-o-gareban haal se hain hum farda raushan ho

mazi mein raKHshanda rahna hum ko nahin manzur

dil ke wasile se hi hum ne sab kuchh paya hai

aql tera karinda rahna hum ko nahin manzur