tarikiyon ka sang har ek rahguzar mein rakh

tārīkiyoñ kā sang har ik rahguzar meñ rakh

phir azm kā charāġh mirī chashm-e-tar meñ rakh

lene de jā.eza use ḳhud apnī ruuh kā

tū fikr-o-fan kā nuur nigā-e-bashar meñ rakh

lamhoñ kī uḌtī gard jahāñ DhūñD le panāh

kuchh aisā naqsh vaqt ke dīvār-o-dar meñ rakh

dāman ko raat bhar meñ siyāhī se bhar liyā

yādoñ kī dhund ko zarā dast-e-sahar meñ rakh

logoñ kī sang-bār nigāheñ na toḌ deñ

chehra hai kāñch kā ise patthar ke ghar meñ rakh

hai shor-o-ġhul meñ raunaq-e-bazm-e-tarab nihāñ

ḳhāmoshiyoñ ke bahr ko tū apne ghar meñ rakh

tarikiyon ka sang har ek rahguzar mein rakh

phir azm ka charagh meri chashm-e-tar mein rakh

lene de jaeza use KHud apni ruh ka

tu fikr-o-fan ka nur niga-e-bashar mein rakh

lamhon ki uDti gard jahan DhunD le panah

kuchh aisa naqsh waqt ke diwar-o-dar mein rakh

daman ko raat bhar mein siyahi se bhar liya

yaadon ki dhund ko zara dast-e-sahar mein rakh

logon ki sang-bar nigahen na toD den

chehra hai kanch ka ise patthar ke ghar mein rakh

hai shor-o-ghul mein raunaq-e-bazm-e-tarab nihan

KHamoshiyon ke bahr ko tu apne ghar mein rakh