tab us ka zahr usi ke badan mein bhar jae

tab us kā zahr usī ke badan meñ bhar jaa.e

agar zabāñ na chalā.e to saañp mar jaa.e

khaḌī hai dar pe ajal aur mujh meñ jaan nahīñ

kaho vo der se aa.ī hai apne ghar jaa.e

koī charāġh jahāñ raushnī kā zikr kare

siyāh raat kā chehra vahīñ utar jaa.e

vo barg-e-ḳhushk jise shāḳh ne latāḌ diyā

havā ke saath na jaa.e to phir kidhar jaa.e

ye jo charāġh havāoñ kī dhun pe raqsāñ hai

use batāo abhī vaqt hai sudhar jaa.e

adab kī soch yahī hai tumhārā tiir nahīñ

tumhārā sher dil-o-jān meñ utar jaa.e

tire bayān meñ ḳhushbū hai raushnī dil meñ

'mayañk' sab kī tamannā hai tū bikhar jaa.e

tab us ka zahr usi ke badan mein bhar jae

agar zaban na chalae to sanp mar jae

khaDi hai dar pe ajal aur mujh mein jaan nahin

kaho wo der se aai hai apne ghar jae

koi charagh jahan raushni ka zikr kare

siyah raat ka chehra wahin utar jae

wo barg-e-KHushk jise shaKH ne lataD diya

hawa ke sath na jae to phir kidhar jae

ye jo charagh hawaon ki dhun pe raqsan hai

use batao abhi waqt hai sudhar jae

adab ki soch yahi hai tumhaara tir nahin

tumhaara sher dil-o-jaan mein utar jae

tere bayan mein KHushbu hai raushni dil mein

'mayank' sab ki tamanna hai tu bikhar jae